खगेन्द्र भट्टराई
दमक १, झापा
मायाको मार्ग तेर्सै तेर्सो
सम्झँदो रहेछु म
मनले नापेको कहाँ हुनु
दम्स्याइलो दम्स्याइलो
माया त थुम्का थुम्की
माया त गैह्री खोल्सी
माया त अक्करे भीर
चढिनसक्नु हिमाल
फेरि,
माया त शीतल बतास
नाप्छु आँखाले
कल्पन्छु मनले
माया त रुवा बतास
कहाँको हुनु माया त
हुरि बतास
रापीलो ताप
दर्के झरि
बेतोडको हुन्डरि
फेरि,
माया सुस्तरी सुस्तरी
लठ्ठिएसरि, मात्तिएसरि
माया त सुस्तरी सुस्तरी
Incredible one
ReplyDelete